മമ്മൂട്ടി ചിത്രങ്ങള്‍ അധികവും ഉത്സവകാലത്തേക്കാണ് എത്തുക. ഇത്തവണ ഓണത്തിന് റിലീസ് ചെയ്യുന്ന മമ്മൂട്ടി ചിത്രമാണ് ഒരു കുട്ടനാടന്‍ ബ്ലോഗ്. ഇപ്പോഴത്തെ റിപ്പോര്‍ട്ടുകളനുസരിച്ച് ആഗസ്റ്റ് 15നാണ് റിലീസ് തീയ്യതി നിശ്ചയിച്ചിരിക്കുന്നത്.
ടീം സിനിമയുടെ അവസാനഘട്ട ചിത്രീകരണം പൂര്‍ത്തിയാക്കിയിരിക്കുകയാണഅ. സിനിമയെ പറ്റി മുമ്പ് ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ സേതു പറഞ്ഞത്, നോവല്‍ പോലെ സിനിമ അവതരിപ്പിക്കുകയാണ് തന്റെ ലക്ഷ്യമെന്നാണ്. ബ്ലോഗിലൂടെയാണ് സിനിമ പറയുന്നത്. കോമഡി വിഷയമാണ് സിനിമ. കൃഷ്ണപുരം എന്ന സാങ്കല്പിക ഗ്രാമത്തിലെ കഥയാണ് സിനിമ. മധ്യവയസ്‌കനായ വ്യക്തിയെയാണ് മമ്മൂക്ക അവതരിപ്പിക്കുന്നത്. ഗ്രാമത്തിലെ യുവാക്കള്‍ക്കെല്ലാം അദ്ദേഹം മൂത്ത സഹോദരനാണ്. ഏവര്‍ക്കും അനുകരണീയനായ വ്യക്തി.
സിനിമയില്‍ മൂന്ന് നായികമാരുണ്ട്, റായ് ലക്ഷ്മി, ഷംന കാസിം, അനു സിതാര. കഥയെ മുന്നോട്ട് കൊണ്ടുപോകുന്നതില്‍ പ്രാധാന്യമുള്ള കഥാപാത്രങ്ങളാണ് മൂവരുടേയും.
