ഈ വര്‍ഷം അവസാനം നിവിനും മേജര്‍ രവിയും സിനിമയ്ക്ക് വേണ്ടി ഒന്നിക്കുന്നതായി പ്രഖ്യാപിച്ചിരുന്നു. പുതിയ റിപ്പോര്‍ട്ടുകളനുസരിച്ച് സിനിമയുടെ തിരക്കഥ തയ്യാറാക്കുന്നത് ബെന്നി പി നായരമ്പലമാണ്.
ജോമോന്‍ ടി ജോണും വിനോദ് ഷൊര്‍ണ്ണൂരും ചേര്‍ന്നാണ് സിനിമ നിര്‍മ്മിക്കുന്നത്. നിവിന്റെ ഡേറ്റിനായി കാത്തിരിക്കുകയാണ് തങ്ങളെന്നാണ് മേജര്‍ രവി ടൈംസ് ഓഫ് ഇന്ത്യയോട് പറഞ്ഞത്.
മേജര്‍ രവി ആദ്യമായാണ് റൊമാന്‍സ് അടിസ്ഥാനത്തിലുള്ള സിനിമ എടുക്കുന്നത്. യഥാര്‍ത്ഥ സംഭവങ്ങളെ അടിസ്ഥാനപ്പെടുത്തിയുള്ള ഒരു പ്രണയ കഥയാണ് സിനിമ പറയുന്നത്.പ്രണയം എല്ലാക്കാലത്തും വിജയിക്കുമെന്ന തീമിലാണ് സിനിമയെടുക്കുന്നത്.
