കിംഗ് ലയറിനു ശേഷം സിദ്ദീഖ്(സിദ്ദീഖ്-ലാല്‍) സംവിധാനം ചെയ്യുന്ന ചിത്രമാണ് ഫുക്രി. ജയസൂര്യ ആദ്യമായി ഒരു സിദ്ദീഖ് ചിത്രത്തില്‍ അഭിനയിക്കുന്നു. സിദ്ദീഖിന്റെ ആദ്യത്തെ നിര്‍മ്മാണ സംരംഭവുമാണ് ഈ സിനിമ. എസ് ടാക്കീസിന്റെ ബാനറില്‍ സംവിധായകനായ സിദ്ദീഖ് തന്നെ നിര്‍മ്മിക്കുന്നു എന്ന പ്രത്യേകതയും ഫുക്രിക്കുണ്ട്.
ചിത്രത്തില്‍ ലക്കി എന്ന കഥാപാത്രത്തെയാണ് ജയസൂര്യ അവതരിപ്പിക്കുന്നത്. കോമഡിക്ക് പ്രാധാന്യം നല്‍കി ഒരുക്കുന്ന സിനിമയില്‍ അനു സിത്താരയും പ്രയാഗ മാര്‍ട്ടിനും നായികമാരായെത്തുന്നു. ചിത്രത്തില്‍ ലാലും ഒരു പ്രധാന വേഷം അവതരിപ്പിക്കുന്നുണ്ട്. കെപിഎസി ലളിത, മുകുന്ദന്‍, ജോണ്‍, സാജന്‍ പള്ളുന്തുരുത്തി, അന്‍സാര്‍, കൃഷ്ണപ്രഭ, ശ്രീലത, റീന, തെസ്‌നിഖാന്‍ എന്നിവരാണ് ചിത്രത്തിലെ മറ്റു താരങ്ങള്‍.
ജയസൂര്യയുടെ കഥാപാത്രം ക്ലപ്‌ടോമാനിയാക് (അറിയാതെ മോഷ്ടിക്കുക) രോഗിയാണ്.മോഷ്ടിച്ച സാധനങ്ങള്‍ തിരിച്ചു നല്‍കുകയും ചെയ്യും. ചിത്രത്തിന്റെ ഫസ്റ്റ്ലുക്ക് പോസ്റ്റര്‍ ജയസൂര്യ ഫേസ്ബുക്ക് അക്കൗണ്ടിലൂടെ റിലീസ് ചെയ്തിരുന്നു.
സംവിധായകന്‍ സിദ്ദീഖ് തന്നെയാണ് ചിത്രത്തിന് തിരക്കഥയൊരുക്കിയിരിക്കുന്നത്. റിപ്പോര്‍ട്ടനുസരിച്ച് രണ്ടു നായികമാരാണ് സിനിമയിലുള്ളത്.മംഗലാപുരത്തും കണ്ണൂരുമായാണ് ചിത്രത്തിന്റെ ഷൂട്ടിംഗ് നടന്നത്.ചിത്രം ക്രിസ്മസിന് തിയേറ്ററിലെത്തും.
ഫുക്രിയുടെ ടീസര്‍ കാണാം.
