വിനു ജോസഫ് ഒരുക്കുന്ന ബിജുമേനോന്റെ റോസാപ്പൂ എന്ന ചിത്രത്തിലൂടെ തമിഴ് നടന്‍ വിക്രം വീണ്ടും മലയാളത്തിലേക്കെത്തുന്നുവെന്ന് റിപ്പോര്‍ട്ടുകള്‍ ഉണ്ടായിരുന്നു. 

എന്നാല്‍ ഇപ്പോള്‍ വരുന്ന റിപ്പോര്‍ട്ടുകള്‍ വിക്രമിന്റെ തിരിച്ചുവരവ് വാര്‍ത്തകള്‍ തെ്്റ്റാണെന്നാണ്. വിക്രമിന്റെ മാനേജര്‍ വിക്രം അടുത്തൊന്നും ഇങ്ങനൊരു വേഷം ചെയ്യാന്‍ കരാറൊപ്പിട്ടില്ലെന്ന് അറിയിച്ചു. 

റോസാപ്പൂ എന്ന ചിത്രത്തിന്റെ ഷൂട്ടിംഗ് അവസാന ഷെഡ്യൂള്‍ ചെന്നൈ നടന്നുകൊണ്ടിരിക്കുകയാണ്. ബിജുമേനോനൊപ്പം അഞ്ജലി, നീരജ് മാധവ് തുടങ്ങിയവരും ചിത്രത്തില്‍ പ്രധാനവേഷത്തിലെത്തുന്നു. ഡിസംബറില്‍ ചിത്രം തിയേറ്ററിലെത്തുമെന്നാണ് റിപ്പോര്‍ട്ടുകള്‍.

2000ല്‍ റിലീസ് ചെയ്ത ഇന്ദ്രിയമായിരുന്ന വിക്രമിന്റെ അവസാന മലയാളചിത്രം. ഇപ്പോള്‍ 10 എന്‍ട്രതുക്കുള്ള എന്ന ചിത്രം റിലീസ് ചെയ്യാനൊരുങ്ങുകയാണ്. ഉടന്‍ തന്നെ ആനന്ദ് ശങ്കര്‍ ഒരുക്കുന്ന ചിത്രത്തിലേക്ക് കടക്കും താരം എന്നുമാണ് അറിയുന്നത്.