വിവേക് തോമസ് സംവിധാനം ചെയ്യുന്ന ആണെങ്കിലും അല്ലെങ്കിലും എന്ന സിനിമയില്‍ ഫഹദ് ഫാസിലിന്റെ നായികയായി തെന്നിന്ത്യന്‍ നായിക കാതറിന്‍ ട്രീസ എത്തുന്നു. നേരത്തെ പൃഥ്വിരാജിന്റെ ദ ത്രില്ലര്‍ എന്ന സിനിമയില്‍ കാതറില്‍ അഭിനയിച്ചിരുന്നു.
ചിത്രത്തില്‍ സണ്ണി വെയ്‌നും പ്രധാന വേഷത്തിലെത്തുന്നുണ്ട്. ബാംഗ്ലൂരില്‍ താമസിക്കുന്ന രണ്ടു കൂട്ടുകാരായണ് ഫഹദും സണ്ണിയുമെത്തുന്നത്. ഷൂട്ടിങ് മെയ് ഏഴിന് ആരംഭിക്കുമെന്നാണ് വിവരം. പുതുച്ചേരി, കുട്ടിക്കല്‍, ബെംഗളൂരി എന്നിവിടങ്ങളാണ് ലൊക്കേഷനായി തീരുമാനിച്ചിട്ടുള്ളത്.
വിവേകിന്റെ തന്നെ കഥയ്ക്ക് അരുണ്‍, അജയ് രാഹുല്‍ എന്നിവര്‍ ചേര്‍ന്നാണ് തിരക്കഥയെഴുതിയത്. ഗ്ലോബല്‍ യുനൈറ്റഡ് മീഡിയ ആണ് ചിത്രം നിര്‍മിക്കുന്നത്.
ചിത്രത്തിന്റെ പ്രഖ്യാപനം ഏകദേശം ഒരു വര്‍ഷം മുമ്പുണ്ടായിരുന്നു. ഫഹദ് ഫാസിലിന്റെ തിരക്കിനെ തുടര്‍ന്ന് ഷൂട്ടിങ് നീണ്ടു പോവുകയായിരുന്നു. ഹാസ്യത്തിന് പ്രാധാന്യമുള്ള രീതിയിലാണ് ചിത്രം.
