എംടി വാസുദേവന്‍ നായരുടെ രണ്ടാംമൂഴത്തില്‍ ഭീമസേനന്റെ വേഷത്തില്‍ മോഹന്‍ലാല്‍ എത്തുന്നു എന്ന് അദ്ദേഹം തന്നെ പറഞ്ഞിരുന്നു. ബോളിവുഡില്‍ നിന്നും പലരുടേയും പേരുകള്‍ രണ്ടാംമൂഴത്തില്‍ കേട്ടിരുന്നു. സിനിമയുടെ സംവിധായകന്‍ ശ്രീകുമാര്‍ അമിതാഭ് ബച്ചന്‍ ചിത്രത്തില്‍ അഭിനയിക്കുന്ന കാര്യം ഇപ്പോള്‍ ഉറപ്പിച്ചു പറഞ്ഞിരിക്കുന്നു. സിനിമയില്‍ ഭീഷ്മരുടെ വേഷത്തിലാവും ബിഗ്ബി എത്തുക.
കഥയിലെ ഭീഷ്മരുടെ കഥാപാത്രം അതേപോലെ തന്നെയായിരിക്കും സിനിമയിലും ഉണ്ടാകുക.സിനിമയ്ക്കു വേണ്ടി മാറ്റങ്ങളൊന്നും തന്നെ വരുത്തിയിട്ടില്ല. ശ്രീകുമാര്‍ പറഞ്ഞു. കൂടാതെ ഐശ്വര്യ രണ്ടാംമൂഴത്തില്‍ ഇല്ല എന്നും സംവിധായകന്‍ കൂട്ടിച്ചേര്‍ത്തു.
മറ്റുള്ള കഥാപാത്രങ്ങളെ ഇപ്പോഴും തേടുകയാണ്. അമിതാഭ് ബച്ചന്‍ മുമ്പെ മോഹന്‍ലാലിനൊപ്പം കാണ്ഡഹാറില്‍ അഭിനയിച്ചിരുന്നു.
പീറ്റര്‍ ഹെയിന്‍ രണ്ടാംമൂഴത്തിലും സംഘട്ടനങ്ങള്‍ ഒരുക്കുന്നു. രണ്ടാംമൂഴം രണ്ടുഭാഗങ്ങളിലായി വലിയ ബഡ്ജറ്റിലാണൊരുക്കുന്നത്.
