പ്രശസ്ത സംവിധായകന്‍ ദിലീഷ് പോത്തന്‍, ചെറിയ ചെറിയ വേഷങ്ങളിലൂടെയും പരിചിതനാണ്. ബിജു ദാസ് ഒരുക്കുന്ന ലിയാന്‍സ് എന്ന ചിത്രത്തില്‍ പ്രധാനവേഷം കൈകാര്യം ചെയ്യുന്നു.
ലിയാന്‍സ് ഹൊറര്‍ ത്രില്ലറായാണ് ഒരുക്കുന്നത്.സിനിമ ഒരുക്കുന്ന ബിജു ദാസിന്റെ ആദ്യ സിനിമാസംവിധാന സംരംഭമാണ് ചിത്രം. ഇതുവരെ ധാരാളം ആഡ്ഫിലിമുകള്‍ ചെയ്തിട്ടുണ്ട്.
തമിഴിലും മലയാളത്തിലുമായി ഒരുക്കുന്ന ചിത്രത്തില്‍ ലെഫ്റ്റ് റൈറ്റ് ലെഫ്റ്റില്‍ പ്രധാനവേഷം ചെയ്ത ഹരീഷ് പേരടിയും പ്രധാനകഥാപാത്രത്തെ അവതരിപ്പിക്കുന്നുണ്ട്.
ദിലീഷിനേയും ഹരീഷിനേയും കൂടാതെ ബിജുക്കുട്ടന്‍, കോട്ടയം പ്രദീപ്, നിരഞ്ജന്‍ എബ്രഹാം, ബദ്രിലാല്‍, ഷാന്‍ ചാര്‍ളി, ശരണ്യ ആനന്ദ് എന്നിവരും പ്രധാനവേഷങ്ങളിലെത്തുന്നു.
ഊട്ടി, തൃശ്ശൂര്‍ എന്നിവിടങ്ങളിലായാണ് ചിത്രീകരണം.
