ശ്യാം ധര്‍ സംവിധാനം ചെയ്യുന്ന പുതിയ ചിത്രത്തില്‍ നായിക ആരാകും എന്നുള്ള റൂമറുകള്‍ അവസാനിപ്പിക്കാം.സംവിധായകന്‍ തന്നെ സിനിമയെ പറ്റി സൂചിപ്പിച്ചിരിക്കുന്നു. ഇമ്മാനുവല്‍, പ്രെയ്‌സ് ദ ലോര്‍ഡ് തുടങ്ങിയ ചിത്രങ്ങളില്‍ മമ്മൂട്ടിയുടെ നായികയായെത്തിയ റിനുമാത്യൂസ് വീണ്ടു മമ്മൂട്ടിക്കൊപ്പമെത്തുന്നു എന്ന് മുമ്പ് റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ നടി ഡേറ്റ് പ്രശ്‌നത്തെ തുടര്‍ന്ന് സിനിമയില്‍ നിന്നും പിന്മാറി എന്നാണ് ഒടുവിലത്തെ റിപ്പോര്‍ട്ട്.
ഇപ്പോള്‍ ആശാ ശരതും ദീപ്തി സതിയും നായികമാരായെത്തുന്നു എന്നാണ് റിപ്പോര്‍ട്ടുകള്‍ പറയുന്നത്.ഇവരില്‍ ആരാണ് മമ്മൂട്ടിയുടെ നായിക എന്ന് സ്ഥിരീകരിച്ചിട്ടില്ല. 2016 ന്റെ അവസാനത്തിലാണ് മമ്മൂട്ടി- ശ്യാംധര്‍ ചിത്രം പ്രഖ്യാപിച്ചത്. രതീഷ് രവി ആണ് ചിത്രത്തിന്റെ തിരക്കഥ ഒരുക്കുന്നത്. യൂണിവേഴ്‌സല്‍ സിനിമാസിന്റെ ബാനറില്‍ ബി രാകേഷാണ് ചിത്രം നിര്‍മ്മിക്കുന്നത്. അധ്യാപകനായാണ് ചിത്രത്തില്‍ മമ്മൂട്ടി എത്തുന്നത്.
