റോഹിത് ഷെട്ടിയും അജയ് ദേവ്ഗണും ബോളിവുഡ് റീമേക്കിംഗിനായി ആക്ഷന്‍ ഹീറോ ബിജുവിനെ തിരഞ്ഞെടുത്തിരിക്കുന്നു. അജയ് തന്നെയാണ് മലയാളത്തില്‍ നിവിന്‍ പോളി ചെയ്ത പോലീസ് വേഷം ബോളിവുഡില്‍ ചെയ്യുക എന്നാണ് റിപ്പോര്‍ട്ടുകള്‍.
നിവിന്‍ ചെയ്ത സബ്ഇന്‍സ്‌പെക്ടര്‍ വേഷമാണ് അജയ് ഹിന്ദിയില്‍ ചെയ്യുക. സിനിമ ഒരു സാധാരണ പോലീസ് എസ്‌ഐയുടെ കുറച്ചുദിവസത്തെ പ്രവര്‍ത്തനങ്ങളെയായിരുന്നു പറഞ്ഞിരുന്നത്. മലയാളത്തില്‍ സൂപ്പര്‍ഹിറ്റായിരുന്നു സിനിമ. സിനിമ എടുത്ത രീതി ഒരുപാടു പ്രശംസനീയമായിരുന്നു.
നേരത്തേ മോഹന്‍ലാലിന്റെ ദൃശ്യത്തിന്റെ ബോളിവുഡ് റീമേക്കില്‍ മോഹന്‍ലാലിന്റെ നായകവേഷം ചെയ്തത് അജയ് ആയിരുന്നു. റോഹിത്ത് ഷെട്ടിയും അജയും ഗോല്‍മാല്‍ എഗൈന്‍ എന്ന സിനിമയുടെ പ്രവര്‍ത്തനങ്ങളിലാണ് ഇപ്പോള്‍.
