ടൊവിനോ തോമസും പിയാ ബാജ്‌പേയും ഒന്നിക്കുന്ന അഭിയും അനുവും ട്രയിലര്‍ റിലീസ് ചെയ്തു. സ്‌നേഹിക്കുമ്പോള്‍ പേടിയുണ്ടാവില്ല, സമൂഹത്തിന്റെ എഴുതപ്പെടാത്ത നിയമാവലികളും പ്രണയിതാക്കള്‍ക്ക് ബാധകമാവില്ല. ആദ്യമായാണ് ടൊവിനോയും പിയയും ഒന്നിക്കുന്നതെങ്കിലും ഇരുവരും നല്ല ജോഡിയാണെന്ന് ട്രയിലറില്‍ വ്യക്തം.
ബിആര്‍ വിജയലക്ഷ്മി സംവിധാനം ചെയ്യുന്ന ചിത്രം മാര്‍ച്ച് 6ന് തിയേറ്ററുകളിലേക്കെത്തും. യൂഡില്‍ ഫിലിംസാണ് ചിത്രം നിര്‍മ്മിക്കുന്നത്. തമിഴിലും മലയാളത്തിലുമായാണ് ചിത്രം ഒരുക്കിയിരിക്കുന്നത്.
പ്രശസ്ത സിനിമാറ്റോഗ്രാഫര്‍ സന്തോഷ് ശിവന്‍ ആണ് ചിത്രത്തിന്റെ എക്‌സിക്യൂട്ടീവ് പ്രൊഡ്യൂസര്‍. പ്രഭു, സുഹാസിനി, രോഹിണി, മനോബാല തുടങ്ങിയവരും ചിത്രത്തിലുണ്ട്.
