ജീവിതം സുന്ദരമാക്കിതീര്‍ക്കാന്‍ ആഗ്രഹിക്കാത്തവരായി ആരും തന്നെ ഉണ്ടാവില്ല. എന്നാല്‍ ഒന്നിനും സമയമില്ല എന്ന പരാതിയും. എന്നാല്‍ ജീവിതത്തെ മാറ്റി മറിക്കാന്‍ നമ്മള്‍ തന്നെ തീരുമാനിക്കണം. അതിനായി ആദ്യമേ വേണ്ടത് നമ്മുടെ ഉള്ളിലെ നെഗറ്റീവ് എനര്‍ജിയെ നാം തന്നെ ദൂരെ കളയുക എന്നതാണ്.
കുടുംബ ജീവിതം മധുരമാക്കാന്‍ എന്തൊക്കെ കാര്യങ്ങള്‍ നമുക്ക് സ്വയം ചെയ്യാമെന്നു നോക്കാം.
- കുടുംബജീവിതവും ഓഫീസ് കാര്യങ്ങളും കൂട്ടികുഴയ്്ക്കാതിരിക്കുകയാണ് അതിനായി ആദ്യം ചെയ്യേണ്ടത്. ഓഫീസിലെ കാര്യങ്ങള്‍ വീട്ടിലേക്ക് കൊണ്ടുവരാതിരിക്കുന്നതോടൊപ്പം തന്നെ വീട്ടിലെ കാര്യങ്ങള്‍ ഓഫീസില്‍ ആരെങ്കിലും ആയി പങ്കുവെയ്ക്കാതിരിക്കുകയും ചെയ്യുക.
- ഒരു സമയം ഒരു കാര്യം മാത്രം ചെയ്യുക. വീട്ടിലായിരിക്കുമ്പോള്‍ വീട്ടുകാര്യങ്ങളും ,ഓഫീസില്‍ ഓഫീസ് കാര്യങ്ങളും.
- വീട്ടില്‍ നിന്നും അകന്നു നില്‍കേണ്ടിവരുമ്പോള്‍ ദിവസവും വീട്ടുകാര്യങ്ങള്‍ ഒരു പ്രാവശ്യമെങ്കിലും അന്വേഷിച്ചെന്നു ഉറപ്പാക്കുക.
- ഒഴിവു ദിവസങ്ങളില്‍ കുടുംബാംഗങ്ങളോടൊപ്പം എന്തെങ്കിലും ജോലിയിലോ കളികളിലോ ഏര്‍പ്പെടുക.
- ഒരു കാര്യവും അടിച്ചേല്‍പ്പിക്കരുത്.കുറ്റപ്പെടുത്തലുകളേക്കാള്‍ നല്ലത് സ്‌നേഹത്തോടെയുള്ള തിരുത്തലുകളാണെന്ന കാര്യം മറക്കാതിരിക്കുക.
Tips to become life more beautiful
