സുരേഷ് ഗോപിയെ സിനിമയില്‍ കണ്ടിട്ട് നാളേറെയായി. 2015ലായിരുന്നു അവസാനസിനിമ എത്തിയത്. ഇപ്പോള്‍ താരം ഒരു തിരിച്ചുവരവിനൊരുങ്ങുകയാണ്. തമിഴ് സിനിമ തമിളരസനിലൂടെയാണ് തിരിച്ചുവരുന്നത്. വിജയ് ആന്റണിയാണ് നായകകഥാപാത്രം. സിനിമയുടെ സെറ്റില്‍ നിന്നുമുള്ള ഒരു ഫോട്ടോ കഴിഞ്ഞ ദിവസം സുരേഷ് ഗോപി സോഷ്യല്‍മീഡിയ പേജിലൂടെ ഷെയര്‍ ചെയ്തിരുന്നു. ഡോക്ടറായാണ് സുരേഷ് ഗോപി സിനിമയിലെത്തുന്നത്. സിനിമയിലെ പ്രധാനപ്പെട്ട വേഷമാണിതെന്നാണ് പറയുന്നത്.
തമിളരസന്‍ ഒരു പോലീസ് ആക്ഷന്‍ ത്രില്ലര്‍ സിനിമയാണ്. വിജയ് ആന്റണി സിനിമയില്‍ പോലീസ് ഓഫീസറായാണ് എത്തുന്നത്. ബാബു യോഗേശ്വരന്‍ സംവിധാനം ചെയ്യുന്ന ചിത്രം. മുമ്പ് ജയം രവി ചിത്രം ദാസ് ഒരുക്കിയത് ഇദ്ദേഹമാണ്. വിജയ് ആന്റണിയുടെ ജോഡിയായി രമ്യ നമ്പീശനാണ് എത്തുന്നത്. ബോളിവുഡ് താരം സോനു സുഡ്,ഭൂമിക, മുനീഷ്‌കാന്ത്, റോബോ ശങ്കര്‍,യോഗി ബാബു, സംവിധായകന്‍ മോഹന്‍രാജയുടെ മകന്‍, പ്രണവ് എന്നിവരും സിനിമയിലുണ്ടാകും.
ഇളയരാജയുടെ സംഗീതവും സിനിമാറ്റോഗ്രാഫറായി ആര്‍ഡി രാജശേഖറും, ഭുവന്‍ ശ്രീനിവാസന്‍ എഡിറ്റിംഗും നിര്‍വഹിക്കും.
