വിജയ് യേശുദാസ് വീണ്ടും ഒരു റൊമാന്റിക് ഗാനവുമായെത്തുന്നു. ഇത്തവണ രാഹുല്‍ മാധവിന്റെ പുതിയ ചിത്രം വേലക്കാരിയായിരുന്നാലും നീയെന്‍ മോഹവല്ലി എന്ന ചിത്രത്തിലെ കണ്ണാന്തളിര്‍ എന്ന ഗാനമാണ്. ഈ മെലോഡിയസ് ട്രാക്ക് ചിട്ടപ്പെടുത്തിയിരിക്കുന്നത് വിശ്വജിത്ത് ആണ്. അനില്‍ പനച്ചൂരാന്റേതാണ് വരികള്‍.
തെലുഗ് സംവിധായകന്‍ ഗോവിന്ദ് വരാഹ ആണ് ചിത്രം സംവിധാനം ചെയ്യുന്നത്. മധു, റിസബാവ, ശ്രവ്യ, നീനകുറുപ്പ്, പ്രശാന്ത് അലക്‌സാണ്ടര്‍, ഗായത്രി മയൂര, ധിഷ്ണി, അസീസ് തുടങ്ങിയവരും ചിത്രത്തിലുണ്ട്. കിഷന്‍ സാഗര്‍ ആണ് സിനിമാറ്റോഗ്രാഫി ചെയ്തിരിക്കുന്നത്. സിയാന്‍ ശ്രീകാന്തിന്റേതാണ് എഡിറ്റിംഗ്.
ജി രാജു ബാബു ജിവിആര്‍ പ്രൊഡക്ഷന്‍സിന്റെ ബാനറിലാണ് ചിത്രം നിര്‍മ്മിക്കുന്നത്. മ്യൂസിക് 247 ആണ് ഔദ്യോഗിക മ്യൂസിക് പാര്‍ട്ട്ണര്‍.
