സൂര്യയും സെല്‍വരാഘവനും ഒന്നിക്കുന്ന പുതിയ പ്രൊജക്ട് സൂര്യ 36 എന്ന സിനിമയുടെ ഫസ്റ്റ് ലുക്കും പേരും മാര്‍ച്ച് അഞ്ചിന് പ്രഖ്യാപിക്കും. 2018 ജനുവരിയിലാണ് സിനിമ ഒഫീഷ്യലി പ്രഖ്യാപിച്ചത്. ഫെബ്രുവരി ആദ്യവാരം ചിത്രീകരണം തുടങ്ങി. സൂര്യയും സെല്‍വരാഘവനും ആദ്യമായാണ് ഒരുമിക്കുന്നത്. സിനിമയില്‍ സംഗീതം ചെയ്യുന്നത് യുവാന്‍ ശങ്കര്‍ രാജയാണെന്നും ഔദ്യോഗിക പ്രഖ്യാപനം വന്നിരുന്നു. ദീപാവലിയ്ക്ക് ചിത്രം തിയേറ്ററുകളിലെത്തുമെന്നാണ് അറിയുന്നത്.
സിനിമ ഏത് തരത്തിലുള്ളതാണെന്ന് ഇതുവരെ പറഞ്ഞിട്ടില്ലെങ്കിലും സിനിമയ്ക്ക് ഒരുപാടു റിസര്‍ച്ച് ജോലികള്‍ ഉണ്ടെന്ന സൂചനകള്‍ സെല്‍വരാഘവന്‍ നല്‍കിയിരുന്നു. ചിമ്പുവിനൊപ്പം കാന്‍ എന്ന സിനിമ 2017ല്‍ തുടങ്ങിയെങ്കിലും പെട്ടെന്ന് തന്നെ നിര്‍ത്തുകയായിരുന്നു. ചിമ്പു ഒരു ചാരനായിട്ടായിരുന്നു സിനിമയില്‍ . തപ്‌സി പന്നുവും ഒരു പ്രധാന കഥാപാത്രത്തെ ചെയ്തിരുന്നു.
സൂര്യ 36ല്‍ സായി പല്ലവി, രാകുല്‍ പ്രീത് സിംഗ് എന്നിവര്‍ പ്രധാനവേഷങ്ങളിലേക്ക് കരാറൊപ്പിട്ടിട്ടുണ്ട്. ഡ്രീം വാരിയര്‍ പിക്‌ചേഴ്‌സ് ആണ് ചിത്രം നിര്‍മ്മിക്കുന്നത്. മറ്റു താരങ്ങളേയും അണിയറക്കാരേയും ഇനിയും ഫൈനലൈസ് ചെയ്യാനുണ്ട്. സൂര്യ എത്രയും പെട്ടെന്ന് തന്നെ ഈ പ്രൊജക്ട് തീര്‍ത്ത് സിനിമാറ്റോഗ്രാഫര്‍ - ഫിലിം മേക്കര്‍ കെവി ആനന്ദിനൊപ്പമുള്ള അടുത്ത പ്രൊജക്ട് തുടങ്ങുമെന്നാണ് അറിയുന്നത്.
