നിവിന്‍ പോളി ചിത്രം കായംകുളം കൊച്ചുണ്ണി , സംവിധായകന്‍ റോഷന്‍ ആന്‍ഡ്രൂസ് പ്രഖ്യാപിച്ചതുമുതലേ വാര്‍ത്തകളില്‍ സ്ഥാനം നേടിയിരുന്നു. മോഹന്‍ലാല്‍ നിവിന്‍ പോളിക്കൊപ്പം ചിത്രത്തിലെത്തുന്ന വാര്‍ത്തയും ലാലേട്ടന്റെ ചിത്രത്തിലെ ലുക്കുമെല്ലാം പ്രേക്ഷകര്‍ വന്‍സ്വീകരണമാണ് നല്‍കിയത്.
ഇപ്പോള്‍ നിവിന്‍ പോളിയുടെ സോഷ്യല്‍ മീഡിയ പോസ്റ്റില്‍ കായംകുളം കൊച്ചുണ്ണി 161 ദിവസത്തെ ഷൂട്ടിംഗ് പൂര്‍ത്തിയാക്കിയിരിക്കുന്നു എന്നാണ് അറിയുന്നത്. താരം പോസ്റ്റ് ചെയ്തിരിക്കുന്നത്, 161 ദിവസത്തെ ചിത്രീകരണം, നല്ല ടീമിനൊപ്പമുള്ള വര്‍ക്ക്, ജീവിതകാലത്തേക്കുള്ള അനുഭവം, ഒരു സിനിമ. കായം കുളം കൊച്ചുണ്ണി ചിത്രീകരണം പാക്ക് അപ്പ്. എന്നാണ്.
സിനിമാപ്രേമികളുടെ ആവേശം കൂട്ടുന്ന പോസ്റ്റായി മാറിയിരിക്കുകയാണ് ഇതിപ്പോള്‍. സിനിമയ്ക്കായി അക്ഷമരായി കാത്തിരിക്കുകയാണ് പ്രേക്ഷകരെല്ലാം.ശ്രീഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം നിര്‍മ്മിക്കുന്നത്.സണ്ണി വെയ്ന്‍, ബാബു ആന്റണി തുടങ്ങിയവരും ചിത്രത്തിലുണ്ട്.
