നയന്‍താര കേന്ദ്രകഥാപാത്രമായെത്തുന്ന ഡോറയുടെ ടീസര്‍ റിലീസ് ചെയ്തു. ഹൊറര്‍ ത്രില്ലര്‍ ആയാണ് ചിത്രം ഒരുക്കിയിരിക്കുന്നത്. നവാഗതനായ ദോസ് രാമസ്വാമിയാണ് ചിത്രത്തിന്റെ സംവിധായകന്‍.
സാധാരണ നായികാകഥാപാത്രമെന്നതിനുപരി നയന്‍സ് ഈ ചിത്രത്തില്‍ ടൈറ്റില്‍ കഥാപാത്രമാവുന്നു എന്നതാണ് പ്രത്യേകത.ഫസ്റ്റ് ലുക്ക് പോസ്റ്ററില്‍ നയന്‍ പുറം തിരിഞ്ഞുനില്‍ക്കുന്ന ചിത്രമായിരുന്നു ഉണ്ടായിരുന്നത്.
ഒരു കാറും അതിനെ ചുറ്റിപ്പറ്റിയുള്ള ദുരൂഹതുകളുമാണ് ടീസറിലുള്ളത്. തമ്പി രാമയ്യ, ഹരീഷ് ഉത്തമന്‍ എന്നിവര്‍ മറ്റു കഥാപാത്രങ്ങളായെത്തുന്നു. വടകറി ഫെയിം മെര്‍വിന്‍, വിവേക് എന്നിവര്‍ ചേര്‍ന്നാണ് സംഗീതം ഒരുക്കിയിരിക്കുന്നത്. ഏപ്രിലില്‍ ചിത്രം തിയേറ്ററുകളിലെത്തും.
നയന്‍സിന്റ ഹൊറര്‍ ചിത്രം കാശ്‌മോര ഉടന്‍ തന്നെ എത്തുമെന്നാണ് പ്രതീക്ഷിക്കുന്നത്. കാര്‍ത്തിയും ഇതില്‍ നയന്‍സിനൊപ്പം എത്തുന്നു. നയന്‍താരയുടെ മിസ്റ്ററി ത്രില്ലര്‍ ഫിലിം ഇരുമുഖന്‍ സെപ്റ്റംബര്‍ 8ന് തിയേറ്ററുകളിലെത്തും.
