ദുല്‍ഖര്‍ സല്‍മാന്റെ ബോളിവുഡ് സിനിമ കാര്‍വാന്‍, ഇര്‍ഫാന്‍ ഖാന്‍, മിഥില പാല്‍ക്കര്‍ എന്നിവരും ചിത്രത്തിലുണ്ട്, ജൂണ്‍ 1ന് തിയേറ്ററുകളിലേക്ക്.മൂന്നു വ്യത്യസ്ത വ്യക്തികളുടെ ജീവിതയാത്രയില്‍ റോഡ് ട്രിപ്പിനിടെ പരിചയപ്പെടുന്ന കഥയാണ് കാര്‍വാന്‍.
ദുല്‍ഖറിനെ കൂടാതെ മിഥിലയും ബോളിവുഡില്‍ ആദ്യമായാണ് നായികാകഥാപാത്രമായെത്തുന്നത്. തിയേറ്റര്‍ രംഗത്തെ പ്രശസ്തനായ ആകാശ് ഖുറാനയുടെ സംവിധാനസംരംഭമാണ് സിനിമ. മുമ്പ് യേ ജവാനി ഹേ ദിവാനി, 2 സ്റ്റേറ്റ്‌സ് തുടങ്ങിയ സിനിമകള്‍ക്ക് സംഭാഷണമൊരുക്കിയിട്ടുണ്ട്.
ദുല്‍ഖര്‍ ചിത്രത്തില്‍ ബാംഗ്ലൂരില്‍ നിന്നുമെത്തുന്ന ആളായാണെത്തുന്നത്. സിനിമയുടെ പ്രധാന ഭാഗം കൊച്ചിയിലും ഊട്ടിയിലുമായാണ് ചിത്രീകരിച്ചിരിക്കുന്നത്.
