നാല് സൗത്ത് ഇന്ത്യന്‍ ഭാഷകളിലെ എണ്‍പതുകളിലെ താരങ്ങളുടെ സംഗമം. ക്ലാസ് ഓഫ് 80 എന്ന് പേരിട്ടിരിക്കുന്ന റീയൂണിയന്‍ 1980കളില്‍ വെള്ളിത്തിരയില്‍ നിറഞ്ഞുനിന്നിരുന്ന നായികമാരുടേയും നായകന്മാരുടേയും കൂടിച്ചേരലായി.
മഹാബലിപുരത്ത് ഒരു ലക്ഷ്വറി റിസോര്‍ട്ടില്‍ വച്ചാണ് ഇവന്റ് നടത്തിയത്. ചിരഞ്ജീവി, വെങ്കടേഷ്, രാധിക ശരത്കുമാര്‍, സുഹാസിനി, ലിസി, രേവതി, ഖുശ്ബു,രമ്യാകൃഷ്ണന്‍, ശോഭന, പാര്‍വ്വതി, ജയറാം, അംബിക, സുമലത, മേനക, ജയസുധ, നദിയാമൊയ്തു, പൂര്‍ണ്ണിമ, ഭാഗ്യരാജ്, റഹ്മാന്‍, രാധ തുടങ്ങിയവരെല്ലാം പങ്കെടുത്തു.
ബോളിവുഡില്‍ നിന്നുമുള്ള പൂനം ദില്ലണ്‍, ജാക്കി ഷറോഫ് എന്നിവരും ഈ പരിപാടിയില്‍ സന്നിഹിതരായി.സുഹാസിനിയും ലിസ്സിയും ചേര്‍ന്നാണ് ചടങ്ങ് സംഘടിപ്പിച്ചത്. പര്‍പ്പിള്‍ കളര്‍ വസ്ത്രങ്ങളണിഞ്ഞാണ് താരങ്ങള്‍ എത്തിയത്. അവരുടെ വസ്ത്രങ്ങള്‍ക്ക് അനുയോജ്യമാം വിധത്തില്‍ പര്‍പ്പിള്‍ വര്‍ണ്ണത്തിലാണ് പരിപാടി നടന്ന വേദി അലങ്കരിച്ചതും.
Class Of 80s Actors 8th Reunion Picshttps://t.co/Zd5J4UYkFX#kBhagyaraj #rSarathkumar #RamyaKrishnan #rRadha pic.twitter.com/sWLNAnaEPT
— Nettv4u (@Nettv4uTamil) November 21, 2017
എല്ലാവര്‍ഷവും പരിപാടി മുന്‍കൂട്ടി പ്ലാന്‍ ചെയ്താണ് നടത്താറുള്ളത്. എന്നാല്‍ ഈ വര്‍ഷം എല്ലാവരും ഓരോ തിരക്കുകളിലായതിനാല്‍ പെട്ടെന്ന് നടത്തുകയാണുണ്ടായത്. എന്ന് സുഹാസിനി ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ പറഞ്ഞു. മലയാളം താരം രാജ്കുമാര്‍ ഈ വര്‍ഷം തീം ഓര്‍ഗനൈസ് ചെയ്യാന്‍ സഹായിച്ചു. ഞങ്ങള്‍ വീഡിയോ കോളുകളിലൂടേയും ഇമെയിലുകളിലൂടെയും പരസ്പരം ബന്ധപ്പെട്ടു. ഞങ്ങളുടെ രണ്ടുദിവസത്തെ പരിപാടി മിസ്സാവാതിരിക്കാന്‍ എല്ലാവരും നന്നായി പരിശ്രമിച്ചു.
ഈ വര്‍ഷം ജൂണില്‍ ക്ലബിലെ കുറച്ചംഗങ്ങള്‍ ചൈനയിലേക്ക് പോയിരുന്നു. ജാക്കി ഷെറാഫ് അടുത്ത റീയൂണിയന്‍ ഗോവയില്‍ വച്ചു നടത്താന്‍ നിര്‍ദ്ദേശിച്ചിട്ടുണ്ട്. എന്നാല്‍ നരേഷ് ഹൈദരാബാദ് ആണ് പറഞ്ഞിരിക്കുന്നത്. ഇതുവരെ അടുത്തവര്‍ഷത്തേക്ക് പ്ലാന്‍ ചെയ്തിട്ടില്ല. എന്നാല്‍ എല്ലാവരും കൂടി മെയില്‍ ഒരു വെക്കേഷന്‍ പ്ലാന്‍ ചെയ്തിട്ടുണ്ട്. ഈ വര്‍ഷം ഞങ്ങള്‍ 14പേര്‍ ചൈനയിലേക്ക് പോയി. അടുത്ത വര്‍ഷം ഒരു യൂറോപ്പ്യന്‍ ട്രിപ്പാണ് പ്ലാന്‍ ചെയ്തിരിക്കുന്നത്.
Red Class : 6th edition of the 80s stars reunion was celebrated last night celebrated at olive beach in Chennai pic.twitter.com/rg0qzmuquB
— TT Talkies (@TTMovieNews) August 30, 2015
സുഹാസിനിയും ലിസിയും ചേര്‍ന്ന് 2009ലാണ് ഇത്തരം ഒരു റീയൂണിയന്‍ സംഘടപ്പിച്ചു തുടങ്ങിയത്. പലതാരങ്ങളും ആതിഥേയരായെത്തി. രജനീകാന്ത്, ചിരഞ്ജീവി, മോഹന്‍ലാല്‍, അംബരീഷ്, ലിസ്സി, ഖുശ്ബു, സുഹാസിനി എന്നിവരായിരുന്നു ആതിഥേയാരായെത്തിയത്.
