സിനിമാലോകം ഒന്നടങ്കം ആകാംക്ഷയോടെ കാത്തിരിക്കുന്ന എസ്എസ് രാജമൗലിയുടെ ബാഹുബലി 2 വിന്റെ പോസ്റ്റര്‍ ഇന്നലെ റിപ്പബ്ലിക്ക് ദിനത്തില്‍ റിലീസ് ചെയ്തു. അമരേന്ദ്ര ബാഹുബലിയും ദേവസേനയും വില്ലുകുലച്ച് പരിശീലനം നടത്തുന്ന ദൃശ്യമാണ് പോസ്റ്റര്‍.
Amarendra Baahubali with Devasena. From one of the most artistic sequences in #BAAHUBALI2. #WKKB. pic.twitter.com/TdN3DfWqJA
— rajamouli ss (@ssrajamouli) January 26, 2017
സംവിധായകന്‍ രാജമൗലി ട്വിറ്ററിലൂടെയാണ് പോസ്റ്റര്‍ പുറത്തുവിട്ടത്.തെലുങ്കിലും മലയാളത്തിലും തമിഴിലും ഹിന്ദിയിലുമുള്ള പോസ്റ്ററുകള്‍ ഒരുമിച്ചാണ് പുറത്തിറക്കിയത്.
ഈ വര്‍ഷം ഏപ്രിലില്‍ ചിത്രം തിയേറ്ററിലെത്തും.കഴിഞ്ഞ വര്‍ഷം അവസാനം ചിത്രത്തിന്റെ ഫസ്റ്റ് ലുക്ക് പോസ്റ്റര്‍ മുംബൈയില്‍ വച്ചു നടന്ന പതിനെട്ടാമത് മാമി ഫിലിം ഫെസ്റ്റിവലില്‍ വച്ച് സംവിധായകന്‍ രാജമൗലി പുറത്തുവിട്ടിരുന്നു. ഒരു കയ്യില്‍ വാളും മറുകയ്യില്‍ ചങ്ങലയുമായി നില്‍ക്കുന്ന ബാഹുബലിയായിരുന്നു പോസ്റ്ററില്‍.
