നിരവധി ആരോഗ്യഗുണങ്ങളുള്ളതാണ് പൈനാപ്പിൾ ജ്യൂസ്. നമ്മൂടെ പ്രതിരോധ ശക്തി വർധിപ്പിക്കുന്നതിനും , ശരീരത്തെ ഡീടോക്സിഫൈ ചെയ്യുന്നതിനും, കാഴ്ചശക്തിക്കും, ദഹനത്തിനുമെല്ലാം വളരെ നല്ലതാണ് പൈനാപ്പിൾ.
ബോട്ടിലുകളിൽ ലഭിക്കുന്നതിനേക്കാൾ വീടുകളിൽ തയ്യാറാക്കുന്ന ജ്യൂസുകളിൽ വിറ്റാമിനുകൾ ധാരാളമുണ്ടാവും. വിറ്റാമിനുകൾക്ക് പുറമെ ആന്റി ഓക്സിഡന്റുകൾ, ആന്റി വൈറൽ, ആന്റി ക്യാൻസർ ഗുണങ്ങളാലും സമ്പുഷ്ടമാണ്.
കാനുകളിൽ അഥവ ബോട്ടിലുകളില‍്‍ ലഭിക്കുന്നവയിൽ മധുരം ചേർത്തിട്ടുമുണ്ടാവാം.
നല്ല പൈനാപ്പിൾ തന്നെ തിരഞ്ഞെടുക്കേണ്ടതുണ്ട്. പൈനാപ്പിൾ മുറിച്ച് അതിന്റെ കണ്ണുള്ള ഭാഗമെല്ലാം ഒഴിവാക്കി നന്നായി വൃത്തിയാക്കിയെടുക്കാം.
എല്ലാ പൈനാപ്പിൾ കഷ്ണങ്ങളും ബ്ലെന്ററിലിട്ട് അല്പം ഉപ്പ്, കുരുമുളക്, ഫ്രെഷ് ഇഞ്ചി എന്നിവ ചേർത്ത് അല്പം മാത്രം വെള്ളമൊഴിച്ച് അടിച്ചെടുക്കാം. ഇതിനെ ഒരു അരിപ്പയിലേക്ക് മാറ്റി അരിച്ച് ഫ്രഷായി ഉപയോഗിക്കാം.
