കാളന്‍ ചേന, നേന്ത്രകായ ,നേന്ത്രപഴം എന്നിവ കൊണ്ടുണ്ടാക്കാം. കഷ്ണങ്ങള്‍ ഉപയോഗിക്കാതെയും കാളന്‍ ഉണ്ടാക്കാം. 

Ingredients

    പച്ചക്കായ                           -                    2എണ്ണം
    ചേന                                   -                    250ഗ്രാം
    തൈര്                                 -                    750മില്ലി
    തേങ്ങ ചിരവിയത്            -                    1 കപ്പ്
    ജീരകം                               -                    2 ടീസ്പൂണ്‍
    മഞ്ഞള്‍പ്പൊടി                  -                    1 ടീസ്പൂണ്‍
    കുരുമുളക്                        -                    കാല്‍ ടീസ്പൂണ്‍
    മുളക് പൊടി                    -                     4 ടീസ്പൂണ്‍
    ഉപ്പ്                                     -                     ആവശ്യത്തിന്
    കടുക്                                -                     1 ടീസ്പൂണ്‍
    കറിവേപ്പില                     -                     8-10     
    ഉലുവ                                -                     1 ടീസ്്പൂണ്‍
    വറ്റല്‍ മുളക്                     -                     4-5
    വെളിച്ചെണ്ണ                     -                     2 ടീസ്പൂണ്‍

ഉണ്ടാക്കേണ്ട വിധം

1.  ചേനയും പച്ചക്കായയും വലിയ കഷ്ണങ്ങളായി മുറിച്ച് കഴുകി മാറ്റിവയ്ക്കുക.
2.  തേങ്ങ ജീരകവും കുരുമുളകും ചേര്‍ത്ത് അരച്ചെടുക്കുക.
3.  പച്ചക്കറി കഷ്ണങ്ങള്‍ പാത്രത്തിലേക്ക് മാറ്റി 2 കപ്പ് വെള്ളവും, മഞ്ഞള്‍പ്പൊടി, മുളക് പൊടി , ഉപ്പ് എന്നിവ ചേര്‍ത്ത് നന്നായി വേവിക്കുക.
4. വെന്ത കഷ്ണങ്ങള്‍ നന്നായി ഉടച്ച് അരച്ച് വച്ച തേങ്ങ ചേര്‍ക്കുക.
5.  തേങ്ങ ചേര്‍ത്ത് തിളച്ച് തുടങ്ങുമ്പോള്‍ അതിലേക്ക് തൈര് ചേര്‍ത്ത് വാങ്ങുക. 
6.  ഒരു ചട്ടിയില്‍ എണ്ണ ചൂടാക്കി അതിലേക്ക് ഉലുവ, കടുക് ,വറ്റല്‍ മുളക് എന്നിവ ചേര്‍ക്കുക. കടുക് പൊട്ടി കഴിഞ്ഞ് കറിവേപ്പില ചേര്‍ക്കുക. 
7. ഈ വറവ് കറിയിലേക്ക് ഒഴിക്കുക. 

കാളന്‍ ഓണ സദ്യയിലെ ഒരു നല്ല ഒഴിച്ചു കറിയാണ്.