ജലദോഷം - വരണ്ട ചർമ്മം, ഈ ഭക്ഷണം നിങ്ങൾക്ക് പ്രതിരോധമേകുമോ?

NewsDesk
ജലദോഷം - വരണ്ട ചർമ്മം, ഈ ഭക്ഷണം നിങ്ങൾക്ക് പ്രതിരോധമേകുമോ?

ശൈത്യകാലമാണ് പനിയും ജലദോഷവും, ചർമ്മരോ​ഗങ്ങളുമെല്ലാം വല്ലാതെ അലട്ടുന്ന കാലം. ഈ സാഹചര്യത്തെ അകറ്റി നിർത്താൻ സഹായിക്കുന്ന ചില ഭക്ഷണം പരിചയപ്പെടാം. 

ആരോ​ഗ്യമുള്ള ശരീരം നല്ല പ്രതിരോധശക്തിയുമുള്ളതായിരിക്കും. ശരീരത്തിലെ പ്രതിരോധശക്തി വർധിപ്പിക്കുന്നതിന് സഹായിക്കുന് ഭക്ഷണം ഇക്കാലത്ത് അത്യാവശ്യമാണ്. ഹൃദയാരോ​ഗ്യം, ഡയബറ്റീസ്, ക്യാൻസർ തുടങ്ങി എല്ലാ രോ​ഗങ്ങൾക്കുമുള്ള പ്രതിരോധം നൽകുന്ന ആഹാരം ഉൾപ്പെടുത്താം.

ഫൈബർ ധാരാളമടങ്ങിയിട്ടുള്ള ഭക്ഷണം ധാരാളം ഡയറ്റിലുൾപ്പെടുത്താം. പഴങ്ങൾ, പച്ചിലക്കറികൾ, ബ്രൗൺ അരി, തുടങ്ങിയവ.

നോൺ വെജിറ്റേറിയൻസ് ആണെങ്കിൽ മുട്ട, മത്സ്യം, മാംസം എന്നിവയും ഭക്ഷണത്തിന്റെ ഭാ​ഗമാക്കാം. പാൽ, സോയബീൻസ് എന്നിവയെല്ലാം പ്രതിരോധശക്തി വർധിപ്പിക്കാൻ സഹായകരമാണ്.

ഒമേ​ഗ 3 ഫാറ്റി ആസിഡുകളടങ്ങിയ ഭക്ഷണം , കടൽ മത്സ്യങ്ങൾ, ബദാം, വാൽനട്ട്, എന്നിവയും ഡയറ്റിലുൾപ്പെടുത്താം. ഇത്തരം ഭക്ഷണം കൊളസ്ട്രോൾ തുലനം ചെയ്യുന്നതിനും സഹായിക്കും.

ട്രാൻസ് ഫാറ്റ് അടങ്ങിയിട്ടുള്ള ഭക്ഷണം ഒഴിവാക്കുന്നതാണ് നല്ലത്. ബിസ്കറ്റ്, കേക്കുകൾ, പാസ്ട്രികൾ, വറുത്ത പലഹാരം, നെയ്യ്, ചുവന്ന ഇറച്ചി, ആട്ടിറച്ചി എന്നിവയും ഈ കാലത്ത് ഒഴിവാക്കാം. 

കൊഴുപ്പ് അപ്പാടെ ഒഴിവാക്കുന്നത് നന്നല്ല. ഇവയും ശരീരത്തിന് ആവശ്യമാണ്. അതിനാൽ നല്ല കൊഴുപ്പ് ലഭിക്കുന്ന ഭക്ഷ്യവസ്തുക്കളായ നിലക്കടല, മുട്ട, നെയ്യ് എന്നിവ അല്പം ഡയറ്റിൽ അത്യാവശ്യമാണ്.

ഭക്ഷ്യവസ്തുക്കൾ എണ്ണയിൽ വറുത്തെടുക്കുന്നതിന് പകരം പുഴുങ്ങിയോ എണ്ണയില്ലാതെ ബേക്ക് ചെയ്തോ ഉപയോ​ഗിക്കാം. ഉപ്പിന്റേയും പഞ്ചസാരയുടേയും അളവ് കുറയ്ക്കുന്നത് എന്തുകൊണ്ടും വളരെ ​ഗുണം ചെയ്യും.
 

food items that helps to increase immunity during winter season

RECOMMENDED FOR YOU: